Tyrkiami akerliussutsimik takutitsisartut aporaattut
Tyrkiamiut inuiaqatigiissutsimik pingaartitsisut, aamma kurderit akerliussutsimik takutitsigajuut, Istanbulimi ippassaq aporaapput. Takunnissimasut ilisimatitsipput ataaseq aallaaneqarluni ikiligaasoq.
decembarip 14-at 2009 07:22
Eqqissiviilliornerit Istanbulip qeqqani aallartipput, inuit 100-t missaat akuullutik. Eqqissiviilliortut taakku ajaappissanik anaartaapput ujaqqanillu milluullutik, aamma eqqaassisoqarpaluttarsimasoq, Frankrigimi nutaarsiassaqartitsivimmi, AFP-mi, aviisiliortoq ilisimatitsivoq.
Det Demokratiske Samfundspartip atorunnaarsinneqarnisaa eqqartuussivikkoorlugu aalajangerneqarsimatsiartorlu, Tyrkiap kujataani-kangisissuani, kurderinit naalagaaniarfigineqartumi, akerliussutsimik takutitsinerit annertuut aallartipput.
Partiip atorunnaarsinneqarnissaanut peqqutaatinneqarpoq, Kurderit Sulisartunut Partiiannut, PKK-mut, pinngitsunik qunutitsisartunut, EU-p allattorsimaffiani allassimasuutigineqartumut, partiip taassuma attaveqarnerarneqartarnera.
