twitter.com-imi Greenpeace-kkut malinnaavigaat

Nittartakkami tassani ilaatigut takuneqarsinnaavoq Greenpeacep Carin Energy-p qilleririviani Stena Donimiititai tassaasut arnat angutillu nunanit sisamaneersut.

Tassaappullugooq Sim USA-meersoq, Timo Finland-imeersoq, pingajuat Mateusz Polenimiuuvoq kingullerlu Jens Tysklandimeersuulluni.

Greenpeacep umiarsuaani Esperanzami inuttat oqaluttuaraat qallunaat sinerissamik alapernaarsuutaani Vædderen-imi inuttat, qillerivik "qaqiffiginiarlugu" ullaaq qanilliartuleramikku assut iliuuseqarniarsimanngitsut. KIngusinnerusukkulli naalagaaffiup nakkutilliisuutitai taakku Greenpeacep imaaniititaannik, uffa qillerivimmit nigortertunik, malersuilersimagaluarnerarpaat.

Greenpeacemit ilisimatitsissutigineqarportaaq allagartarsualiatik arlariit, soorlu annoraaminerujussuit allagartarsualiat Esperanzamiit qillerivimmut isikkivimmit piffissap ilaani assiisut danskit sakkutuuisa arsaarinnissutigisimagaat.