Twillingate: "Nunarsuarmi iluliaqarfiit pigaarnersaat"

Canadami nunat ilaat Paggivittaq, takornarianit ornigarneqartarpoq iluliaqartarmat, ilulissat Kalaallit Nunaanneersut.

Nunaqarfimmut Twillingatemut, Paggivittap avannamut kangisissuaniittumut, qeqertamiittumut, takornariat 30.000-it angullugit ukiut tamaasa ilulissanik tissukartunik takuniaasarput.

Twillingate imminut taagorpoq "Nunarsuarmi iluliaqarfiit pingaarnersaannik"

Ukioq mannali Twillingate iluliaqanngivissorpoq.

Takornariat ilulissanik takuniaasut kisimik nunaqarfimmi inuussutissarsiutaanngillat. Ilulissat aatsillugit vodkaliassatut, giniliassatut imigassaannartullu kangiani qiterlermi nunanut tunisassiarineqartarput.

Taamaattumik aningaasarsiortunut ukioq manna iluliaqannginnera artukkiisussaassaaq.

Ukiut tamaasa Twillingate ilulissanik 1000-it missaanniittunik sarsunneqartaraluarpoq. Silap kissakkiartornera aamma anorip sammiivii pisuullutik ukioq manna ilulissat taamaallaat qulit 15-illu akornanni sarsussimapput.

Takornariat pakatsisimaqisut umiarsuit ilaanni naalakkap, Cecil Stockley-ip aviisimut National Post-imut oqaatigaa.

Nunaqarfimmi Twillingatemi innuttaasut tusarsimavaat iluliarujussuaq, arriikkaluamik Ilulissaniit Paggivittap tungaanut ingerlaartoq. Innuttaasut taamaattoqarnera nuannaarutigeqigaat umiarsuarmi naalakkap Stokcley-ip oqaatigaa.

Umiarsuarmi naalakkap aamma oqaatigaa, takornariat ilulissanik takorusukkunik Kalaallit Nunaanni Ilulissiaannarsinnaasut, tassami ilulissat illoqarfik Ilulissat "angerlarsimaffigimmassuk".

Ilulissanik aatsitsillutik tunisassiortut maanna sumiiffinnut avannarpasinnerusunut ingerlaartalersimapput.