TV-p ungasianiit aquutaanik nassaartoq toqusoq
Angut fjernsynip radio-llu ungasianiit aquutaanik (ulluinnarni fjernbetjeningimik taaneqartartumik) nassaartuuvoq. Angullu taanna Robert Adlerimik atilik 93-nik ukioqarluni toqusimavoq.
Robert Adler ukiut 60-t ingerlaneranni nutaanik nassaassarsiullaqqilluinnartuusimavoq, nassaavilu assigiinngitsut 180-iusimapput, nassaarisartagaanili nuannarineqarnerpaaq tassaavoq 1956-mi ungasianiit aqutsissut nassaarimmagu, taamaalillutalu angut taanna pisuulluni ullumikkut fjernsynerusaajutigaluta ungasianiit fjernsyni nipikillillugulu nipittoqqissinnaasarparput.
Robert Adler 2004-mi apersorneqarluni oqaluttuarsimavoq 1950-kkunni ingenørerpassuit qinnuigineqarsimasut fjernsynimik isiginnaartartut issiavimminniit nikinngikkaluarlutik fjernsynip aquutaanik nassaaqqullugit.
Taamaalillunilu 1956-imi Robert Adlerip ungasianiit fjernsynimut aqutsissut siulleq nassaaraa.
Nuliataligooq uini oqaluttuarisimavaa Robert Adleri nammineerluni fjernsynerpiarneq ajortoq.
- Atuarumatoorujussuuvoq, sinnattornikkaarujussuullunilu, ullaakkullu iteraangami oqartarpoq, ”tassa ajornartorsiummik aaqqiisinnaanngorpunga”, nulia taama oqaluttuarsimavoq.
Unnugu Aidsi akiorniarlugu katersuiniartoqarnerani fjernsynimi Julie Berthelsen erinarsussamaarpoq fjernsynersi nippanniarisiuk.
