TV-mi inuusuttunut paasisitsiniaanerit

Siunissaq pilersiguk

- Taamatut nipeqarpoq ilinniartitaaneq pillugu TV-kut paasisitsiniaaneq, Suliffeqarnermut, Inuussutissarsiutinullu Ilinniartitaanermut Pisortaqarfiup KNR-TV-mi qaammatini marlunni tulliuttuni ingerlatassaa. Ilinniartitaanerup annertusaavigineqarnissaa pillugu naalakkersuisut anguniagaqarnerannut atatillugu paasisitsiniaaneq suliniutaasunut arlalinnut ilaavoq.

Paasisitsiniaanermi siunertaavoq inuusuttut meeqqat atuarfiannit naammasseqqajaalersut paasitinneqarnissaat, ilinniarneq tassaasoq inummut pineqartumut inuiaqatigiillu ineriartornerannut qinersinerusoq sunniuteqarluaqisoq.

Paasisitsiniaaneq TV-kut aallakaatitaaqqanik qulinik imaqarpoq, inuusuttut iliniagaqartut ilinniakkamik aallartitsisimanermik oqaluttuarnerannik imaqartut, aammalu inuusuttoqatiminnut qanoq siunnersuerusunnersut.

TV-kut aallakaatitaaqqat qulit oktoberimi novemberimilu sapaatip akunneri qulit ingerlaneranni sapaatip akunnikkaartumik aallakaatitaq ataaseq takutittarlugu ingerlanneqassapput.