TV-kkut aallakaatitassiat atuartitsinermi atorneqarnerulerput
Nunani allamiut tv-kkut aallakaatitassiaat nunatsinni atuarfinni annerujartuinnartumik atuartitsinermi atorneqartalersut, atuagassiaq PI, ilinniartitsisunut paasissutissiiviusoq allappoq.
Allattoq Louise M. Kleemann
oktobarip 20-at 2008 09:24
- Ilinniartitsisut kanaalini assigiinngitsuni takutinneqartartut eqqumaffiginerulerpaat aamma tv-kkut aallakaatinneqareersunik pissarserusunnerup annerulernera, ilinniartitsisut atuartitsinerminni tv-kkut aallakaatitanik atuinerulernerannut ersiutaavoq, taama ilisimatitsipput Kirsten Olsen aamma Søren Porsbøl Inerisaavimmeersut.
Inerisaaviup Copydanimut isumaqatigiissut, tv-kkut aallakaatitassianik kopeerisinnaanissamut pisinnaatitsisoq nutarteqqammerpaa. Kanaalit arlallit isumaqatigiissummi ilaatinneqartut nunatsinni takutinneqarneq ajorput, taamaattorli Danmarkimi qitiusumik atuartitsinermik atortussanik ingerlataqartut Inerisaavimmit suleqatigineqarmata, ilinniartitsisut tv-kkut aallakaatitanik naleqquttunik pissarsiniarsinnaapput.
