Tuusip prins Christian naapippaa
Illussaarsuarmi Fredensborgimi immikkut saqqummersitsineq ”Regenten i 40 år” (”Naalagaaffiup qullersaa ukiuni 40-ni”) januaarip aqqarnganni ammarneqarmat Inatsisartut Siulittaasuat peqataavoq.
Nunatsinni Inatsisartut saqqummersitsinermut tassunga aamma tunniussaqarput, tassami Namminersornerulernermik inatsimmik tunniussinermik Bodil Kaalundip qalipagaa Inatsisartut ataatsimiittarfiata silataani majuartarfiit eqqaanni ulluinnarni nivingasartoq atukkiunneqarmat.
Saqqummersitsineq Dronning Margrethemit ammarneqarpoq. Saqqummersitsinerup ammarneqanngitsiarnerani Niels Strøbekip qalipagaa nutaaq dronningimit prins Christianimillu uleerneqarpoq.
Saqqummersitsinerup ammarneqarnerata kingorna ilasseqatigiinnermi Inatsisartut Siulittaasuata Prins Christian, ilasseqatigiinnermut peqataasut akornanni nammineq angalaartinneqartoq, aamma oqaloqatigaa.
Prins Christianip ilaatigut Inatsisartut Siulittaasuat kiseeqaluni oqaluttuuppaa nammineq aamma inatsisartut siulittaasuata asserpiaanik annoraaqarami.
Prins Christianip oqaloqatiginerani Kunngissaq aamma takkuppoq qaquguussanersorlu qimusseqatigiissinnaanertik eqqartorlugu.
- Prins Christian erseqqilluinnartumik arajutsinaveersaartuuvoq inunnik oqaloqateqarnissaminik nuannarisalik, taamatullu aamma paasinarluni taamak suli meeraatigigaluarluni angajoqqaami nunatsinnik soqutiginninnerannik ilisimasaannillu kingornussiumaartoq, Josef Motzfeldt oqaluttuarpoq.