Tuukkaq mippoq: Assit videolu takukkit

Atlantikoq qulaallugu timmisartorsuaq Nuummi mittarfimmut siullermeertumik mippoq. KNR-ilu najuuppoq.
Aalisarnermut piniarnermullu naalakkersuisoq, Kim Kielsen Københavnimit timmisartorsuarmut siullermut ilaavoq. Assi © : Privat / Arnaq Nielsen
Tuukkaq mittarfimmut minnginnermini Nuummi qulaavaqqaarpoq. Assi © : KNR / Christine Hyldal
Air Greenlandip pisortaanera, Jacob Nitter Tuukkamit niugami nuannaarpoq. Assi © : Privat / Arnaq Nielsen
Meeqqerivimmit meeqqat mittarfimmi aamma nalliuttorsioqataapput. Assi © : KNR / Nicole Sander Bertelsen
Mittarfimmi nerisassanik sassaallertoqarpoq. Assi © : KNR / Nicole Sander Bertelsen
Illoqarfimmi qaqqat nuuini nuummiut isiginnaarrapput. Assi © : KNR / Hanna Hviid
Allattoq Hanna Vestergaard Hviid, Nicole Sander Bertelsen
novembarip 28-at 2024 14:22
Nutserisoq Connie Fontain

Aiiii!

Air Greenlandip timmisartorsua, Tuukkaq Nuummi mittarfimmut siullerpaamik mimmat nuannattut tusaaneqarsinnaapput.

Nuummi nunanit tamalaanit mittarfik nutaaq ukiumik ataatsimik kinguaattooqqareerluni, unammilliuteqareerluni avoqqaarisoqareerneratalu kingorna kiisami piareerpoq.

Taamaammat illoqarfiit pingaarnersaanni inuiaat nalliuttorsiualaarfianni KNR qaaqqusaavoq.

 

Assi © : KNR / Nicole Sander Bertelsen

Inuit mittarfimmi Tuukkamut tikilluaqqusinissamut kisimi piareersimanngillat. Nuummi qaqqat qaavini nuummiut nuannaarlutik oqarasuaamminnik mittarfimmut sammisitsillutik qeqqisimapput. Timmisartorsuaq mimmat qiimmattarpalunneq illoqarfimmi tamarmi tusarsaavoq.

Mittarfimmi persuarsiortoqarnerata saniatigut Nuummi katersortarfimmi aamma kaffillertoqarpoq, unnugulu Katuamut qaaqqusanut aamma nerisitsisoqassalluni.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk

Katersortarfimmi nallittorsiortut: Illoqarfimmi nuannattoqartoq

Mimi Karlsen kuultimik nersornaaserneqartoq

Kalaallit politikerit Københavnip Mittarfianiittut: Ulloq pingaaruteqartoq