Tuttut neqaat 5.000 kilo-t kujataani tuttuuteqarfimmit Isortumeersut Canadamut nassiunneqartussanngortut ullumi AG-mi saqqummersumi allaaserineqarpoq.
- Avammut tunisaqarnerunissamik isumaqatigiissuteqareerpugut unalu aallaqqaataannaavoq, Stefan Magnusson AG-mi taama issuarneqarpoq.
Januaarip qulingani tuttut neqaat siulliit umiarsuarmik nassiunneqarput.
Stefan Magnussonilu AG-mi oqaluttuarpoq Islandimut aamma nassiussaqartarsimalluni.
Taamatuttaaq Norgemut, Sverigemut kiisalu Finlandimut nassiussisarsimavoq, nunalli taakku eqqussuinertik 2003-mi unitsippaat nunagisaminni ingasattumik tunisassiortoqarnera oqaatiginiarneqartarmat, taama Stefan Magnusson AG-mi oqaluttuarpoq.