Tuttunniarneq aggustip aallaqqaataani aallartissaaq

Umimmaat tuttullu piniagaanerannut piumasaqaatit atuuttut 2009-mi ukiukkut piniarfiusup tungaanut atuutineqassasut naalakkersuisut aalajangiuppaat. Tuttunniarnissamut umimmanniarnissamullu piumasaqaatit siorna piniarnermut piumasaqaataasunit allannguuteqangaassanngillat.
Allattoq Louise M. Kleemann
juulip 03-at 2008 06:57

Tassa tuttunniarneq umimmanniarnerlu aggustip aallaqqaataani aallartissasoq nalunaarutigineqarpoq, taamaattorli ataasiakkaanik naleqqussaasoqarluni.

Tuttunniarnerup umimmanniarnerullu qaqugu aallartinnissaannut naanissaannullu nunap immikkoortuani suaniinneq aamma uumasut suut pineqarnersut apeqqutaapput, kiisalu inuussutissarsiutigalugu piniartuuneq, saniatigooralugu piniartuuneq imaluunniit akiliuteqartitsilluni piniartitsinermik aaqqissuussinerunersoq apeqqutaapput.

Akuersissuteqarluni piniarnermi pisassat amerlassutsikkut qummut killilerneqanngikkaluartut taamaattoq piniarsinnaanermut akuersissutinik pigisaqartut aamma tamarmik tuttunik umimmannillu pisaqarsinnaanermut akuersissutinik peqqaarlutik piniarsinnaatitaapput. Taamaattumik inuussutissarsiutigalugu piniartut aamma saniatigooralugu pinialuttartut kommuniminni akuersissutinik qinnuteqaqqaartussaapput. Aamma tassani piniarneq qaqugu aallartissanersoq qaqugulu naassanersoq paasiniarneqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq