Tuttorujussuaq saassussisoq

Sverigemi tuttorujussuarniarneq killormoortuanik pisimasoq, aviisi Ekstra Bladet allaaserinnippoq. Tassami Svenskit tuttorujussuarniartartut Hälsingland-imi tuttorujussuaq ikilersimasoq malersulersimavaat. Kilometerillu arlallit pisoreerlutik aallaaniat ilaata tuttorujussuaq orpippassuarniittoq takulerpaa. Aallaaniallu ilaata qimmini naalatsinniarsarileruttorai tuttorujussuup aallaaniat ilaat saassussimmavaa.

Saassussinermi angut naamigut kiinnamigullu tuttorsuarmit angeqisumit tutineqartarpoq. Saassussinerup nalaani angutip aallaasaa nakkarsimavoq, tuttorujussuullu aallaasip eqqua tutisimavaa. Tuttorujussuaq oqimaaqigami aallaat napisimavaa, napiniariartoq allaat seqqorsimasoq, aviisi Ljusdals-Posten taama allappoq.

- Aallaasip aqerluata niaqora saneqquteerarpaa, sumulli tunnersoq naluara, tuttorsuarniaq quarsaarsimaqisoq Sven-Erik Rådlund aviisimut oqaluttuarpoq.

Tuttorujussuaq aallaasip seqqorneranik tatamissimavoq qimagullunilu. Kingusinerusukkulli ikilertiternerminit toqquteqarsimasoq nassaarineqarpoq. Allaaniarli tuttorujussuarmit ajoquserneqannginnerugami annappoq.