Tuttorujussuaq aalakoortoq inunnik saassussisoq

Naluara maani nunatsinni tuttut nuliunerisa naligimmagu taamaattoqarsinnaanersoq.

Kisianni tassa oqaluttuarisinnaavarput Sverigemi angut tuttorujussuarmit saassutsikkami tupassimaqisoq.

Angut tuttorsuarmit saassutsittoq, Lars Johansson, oqarpoq, tuttorujussuaq qapulinnik iibilitorsimasoq.

Tuttorujussuaq orpinnit nakaanikunik iibilitoreerluni malugisimaalersimavoq, aalakoortullu ilaasa pisarnerattut kamassimalluni.

- Tuttorujussuaq nilliallaataa tassanngaannaq saassussivoq. Nuliorusussimagunarami sumut tamaanga aamma qummarpoq, Lars Johansson oqaluttuarpoq.

Angut Sverigemiu imaaliallaannaq qunoriartitassaasimanngilaq. Ilani qimarrattut nammineq kaattamik tuttorujussuaq akuliarorsimaaqaa.

- Saniportarluni uppimmat kaataq tigoriarlugu niaquagut anaavara, Lars Johansson oqaluttuarpoq.

Taamaalineqariarami orpipassuit tungaannut qimaalluni aallarsimavoq.

- Illorput arlaleriarlugu kaavereerlugu inioqqatigut aseroriarlugit orpippassuarnut tarrikkami taama ineqaraluanngilaq, Lars Johansson oqarpoq.

Tuttorujussuaq suli takuneqaqqinngilaq.