Tusartaat inuusuttut suliaannik ujartuivoq

Eqqumiitsuliortoq erinniortorlu Lu Berthelsen KNR-TV-mi aallakaatitassiami 'Tusartaat'-mi aaqqissuisunngorpoq saqqumiisartuusassallunilu. Tamatumunnga atatillugu tusartaat nutarterneqarpoq.

Tusartaat nutarsarneqareerluni aallakatinneqarnera tallimanngornermi novembarip 16-iani takuneqarsinnaassaaq. Aallakaatitassiami ’Tusartaat’-mit inuusuttut nipilersorluni isiginnaagassiaat ujartorpaat.

- Tusartaatip aaqqissuisoqarfiata inuusuttut soqutiginnittullu allat kajumissaarpai nipilersukkanik isiginnaagassioqqullugit, KNR tusagassiutitigut nalunaaruminni allapput.

Tallimanngornikkut 'Tusartaat' aallakaatinneqaraangat Kalaallit Nunaanniit nunanillu allaniit nipilersorluni isiginnaagassiat Lu Berthelsenip saqqummiuttarumaarpai. Isiginnaartut aamma aallakaatitassiap ingerlanerani apersuinerit, nipilersuutinik kissaateqartitsinerit nipilersuutinillu naliliisitsinerit takusarsinnaassavaat. Aallakaatitassiami inuit assigiinngitsut aamma oqaaseqartinneqartarumaarput.

Tusartaat KNR-TV-mi ulluinnarni nal.16.00-imiit nal.17.00 tungaanut aallakaatinneqartassaaq unnukkullu aallakaateqqinneqartassalluni.

Attaveqarfigisassat:

Nipilersortartuuit nipilersorluni isiginnaagassiamik  sanarusussinnaasoq imaluunniit sanareernikuuit, taava sanaatit KNR-imut nassiussinnaavatit. Imaluunniit Tusartaammut apeqqutissaqaruit taava Lu Berthelsen e-mailikkut tusartaat@knr.gl allaffigisinnaavat.

KNR

Postbox 1007

Kissarneqqortuunnguaq 15

3990 Nuuk

Att. Tusartaat