Tusagassiuut: Angutit marluk Islandimi borgmesterip biiliisa tungaannut eqqarsimasutut pasineqarlutik politiinit tigusaapput

Angutit marluk Islandimi Reykjavikip borgmesteriata Dagur B. Eggertssonip biiliisa tungaannut partiillu Alliancenip allafffeqarfiata tungaanut eqqarsimasutut pasineqarlutik politiinit tigusarineqarput.

TV2, Islandimi aviisit ilaat Morgunblaðið ilaatigut issuarlugu, taama allappoq.

Borgmesterip biilini Reykjavikip qiterpasissuani januaarip 22-ata 23-atalu akornanni uninnganeranni eqqarfigineqarsimanerarpai.

Biilit matuisa ilaanni putoqartoq siullermik paasivaa imassallu arlalllit biilit iluanni kingorna nassaaralugit. Borgmesterip politiit tamatuma kingorna kalerrippai.

Partiip Alliancenip allattoqarfiata tungaanut januaarip ulluisa 21-anni aamma eqqartoqarsimasoq kingorna oqaatigineqarpoq.

Borgmesterip biiliisa tungaannut partiillu allattoqarfiata tungaanut eqqartoqarsimanera Morgunblaðiðip allaatigisaa naapertorlugu decembarimi pisimasumut attuumassuteqarpoq.

Borgmesterip biilit pingasut uninngaffigisartagaannik piseqqaartussaatitaanini tassani qulakkeersimagaa, politikkikkut illuatungiliuttut ilaata tassani oqaatigaa. Biilit uninngaffii taakku borgmesterip najugaqarfigisaata qanittuaniipput.

Dagur B. Eggertssonip biilit uninngaffissaannik pisisimanngitsoq kingorna paasinarsivoq.

TV2 taama allappoq.