Tusagassiut: Kielsen pissaanermik atornerluisimannginerartoq
Inuit Ataqatigiit Nalakkersuisut siulittaasuat pissaanerminik marlunngormat atornerluisimaneramagu, Kielsen ilungeersunartorsiorfimmiilerpoq.
Partiip allagaa naapertorlugu nipisaattassanik qaffaanissamik Nalakkersuisut maajip aqqaneq aappaani aalajangernerat, Kim Kielsenip aningaasarsiutigaa.
Tamanna pisimaneragaavoq, Kimip nuliatalu Judithe Kielsenip umiatsiartik nipisanniamut atukkiukkamikku, nipisanniallu aningaasarsiorluni isertitami ilai aappariinnut Kielsenilkkunnut akiliutigimmagit.
Kim Kielsenip aviisimut Sermitsiamut aappariiullutik umiatsiminnik ikinngumminnut attartugassiisimaneragaanertik ilumoornerarpaa, pissaarnermilli atornerluisimaneragaanini ilumuunnginnerarlugu.
- Inatsisit malittarisassallut maleqqissaarlugit suut tamarmik ingerlanneqarput. Nalunaarsugassat tamarmik nalunaarsorneqarsimapput, aamma ikinngutitta neqeroorutigisaralui affaannanngortissimavavut. Ikinngutinga ikiuinnarniarlugu taamaaliorpugut umiatsiallu attartorneqarnera aningaasannassutiginagu, taamaallaat ikinngutitta umiatsiaminut atatillugu aningaasartuutinut aalajangersimasunut akissaqarnissaa siunertaavoq, Kim Kielsen Sermitsiamut nassuiaavoq.
Nalakkersuisut siulittaasuat unnerluutigineqartut ilungersunartut akissallugit unnugu qanoruumiisssaaq.