Tusagassiortutsialattut toqqarneqartoq: Maren-Louise Poulsen

Tusagassiuinermi Sulisut Peqatigiiffiat TP ippassaq ataatsimeersuarpoq, tusagassiortutsialammillu ukioq manna aamma toqqasoqarpoq. Ilinniagartuunngorniaq, atuagassiamillu Anu Una Una Anu-mik aallarniisoq Maren-Louise Poulsen, Tusagassiortutsialak 2013-imik kajumissaaserneqarpoq, kajumissaallu 5000-it koruuninik aningaasartaqarluni.

Maren-Louise Poulsen, illinniarnermi sulinermilu saniatigut Anu Una Una Anumi aaqqissuisuuvoq, atuagassiaq taanna inunnut inooriaatsimullu tunngasuulluni:

- 2011-mi atugassiat aningaasatigut ajornartorsiuleruttorfiisa nalaani, iluatsitsinissaq qularnarseruttortoq, atuagassiaq inunnut inooriaatsimullu tunngasoq nutaaq aallartippat. Anu Una Una Anu uumasinnaassuseqarpoq, aningaasarsiornermigut patajaalliartorpoq nunatsinnilu tusagassiuutit silarsuaannut peertussaajunnaarluni ikkuppoq. Illit aallarnikkat suliarujussuarlu naammassisat immikkut maluginiagassaannaanani sapiissusermik takutitsivoq, nersugassaavoq, asseqanngilarlu, Tusagassiuinermi Sulisut Peqatigiiffiata siulittaasua Mariia Simonsen, tusagassiortutsialammik toqqaanermi oqalugiarami ilaatigut oqarpoq, nangillunilu:

- Maren-Louise Poulsenip nunatsinni atuagassaqarnikkut nangianartorsiuleruttorfiup nalaani atuagassiaq kalaallisut danskisullu oqaatsit atorlugit saqqummersittalerpaa. Atugassiaq imamigut tamatigoortuuvoq, qalipaatiginnermigut tigorusunnaruunermigut atuarusunnarnermigullu soqutiginartuuvoq, nunatsinni inuusuttuunerup killiffianik inuiaqatigiillu sumut killissimaneranik ersersitsisuulluni, TP-p siulittaasua Mariia Simonsen oqarpoq.

Maren-Louise Poulsenip atuagassiamik saqqummersitsisarnermini Ivinnguaq Stork Høegh suleqatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat