Tusagassiortut upalungaarsimaniarneq politikerinut oqaluuserisassanngortikkusukkaat
Umiarsuup takornarianik angallasisartup Explorerip Sikuiuitsumi kujallermi 2007-mi umiunera pillugu oqaluttualiaq tusagassiortunit marlunnit allanneqartoq aqagu saqqummersinneqassaaq.
Allattoq Jaaku Lyberth
juunip 26-at 2014 03:50
Oqaluttualiamik Den Anarktiske engelimik, Sikuiutsup kujalliup inngilianik taaneqarsinnaasumik, atuakkiortut neriuutigaat, politiikerit Danmarkimiittut nunatsinniittullu aaqqiissutissanik eqeersinneqarumaartut.
Atuakkanik saqqummersitsisarfik Zetland oqaluttualiamik naatsumik tallimanngornermi 27 juni saqqummersitsissaaq - saqqummersinneqartussaq tusagassiortunit marlunnit allataavoq, umiarsuup takornarianik angallassisartup Explorerip sikuiutsoq kujallermi 2007-mi umiunera pillugu oqaluttualiaq.
Tusagassiortut Thomas Råhlin aamma Michael Aagaard Jensen oqaluttualimik allattuupput.
Imaani upalungaarsimaneq eqqarsaatigalugu oqaluttualimik saqqummersitsisut neriuutigaat kalaalllit politiikerinit ingammillu danskit politiikinerit oqaluttualiaq soqutigineqarumaartoq, Kalaallit Nunaata imartaani umiarsuarnik takornariamik angallassisartunik ajunaartoqarsinnaammat.
Umiarsuaq takornarianik angallassisartoq Explorer 154-inik ilaasoqarluni sikuitsup kujallermi 2007-imi sikumut apornermigut putuvoq kingornalu immalerlui.
Ilaasut inuttallu tamarmmik annanniutinut nuunneqarput annallutillu. Umiarsuaq tamatuma kingorna kivivoq.
Atuakkiortup aappaa Michael Aagaard Jensen ilaatigut ima oqarpoq:
- Umiarsuup Explorerip Sikuiutsoq kujallermi umiunera pillugu oqaluttualiornitsinnut pissutaavoq umiarsuup umiunerani upalungarsimanermut suliaqartunut tamanut attuumassuteqarmat tamannalu Kalaallit Nunaanni upalungaarsimanermut suliaqartunit ernumassutigineqarpoq Kalaallit Nunaata imartaani pisinnaammat, Michael Aagard Jensen oqaluttualiamik allattup aappaa radioaviisimut taama oqarpoq.
Oqaluttualimik allattut umiarsuup Explorerip umiuneranik oqaluttuaq 2009mili suliaralugu aallartippaat - Danmarkimi tusagassiornermut ilinniarfimmi Danmarks Journalisthøjskole-mi soraarummeerutitut suliaralugu.
