Tusagassiortut 5000-it Københavnimi ataatsimeersuarneq sammissavaat
Tusagassiortut 5000-it nunanit 192-ineersut takkunnissartik nalunaarutigereerpaat, soorlu aamma pisortat atorfilittaat 5000-it inuillu suliniaqatigiiffinni naalakkersuisunut attuumassuteqanngitsuneersut 6000-it peqataallutik.
Ataatsimiinnerit 2000-iussapput, pappilissat quppernerit 8 millionit atuarneqarsinnaassapput, qarasaasiallu angallattarissat 2400-t atorneqarsinnaallutik.
Kabelit katillugit 1200 kilometeriupput, tv-qarfinnullu aallakaatitsiviit 142-pput, nerisassallu 300 tonsit pisiarineqarsimallutik, taakkunannga naatitat økologii sianigalugu pilersitat 25.000-it pisiarineqarsimallutik.
- Nunani avannarlerni Europamilu aatsaat taama angitigisumik ataatsimiittoqarpoq, immaqaluunniit nunarsuarmi aatsaat taama angitigisumik ataatsimiittoqarluni. Angisoorujussuuvoq, Bella Centerip tusagassiisartua Lars Lemche oqarpoq.
Bella Centerimik qaartartumeerisoqarnissamik ullumi sioorasaarisoqaraluartoq, KNR-ip silap pissusaa pillugu tusagassiortui ullumi taama oqarput.
Bella Center 20 minutsini matuneqaraluarpoq, kingornali ammaqqinneqarluni.
