Tusagassiortumik toqutsineq misissoqqilerpaat

Ruslandimiup atuakkiortup tusagassiortullu, Anna Politovskajap, inuartarineqarnerata eqqartuussivimmi suliarineqarnera Ruslandimi eqqartuussiviit qullersaata suliareqqinneqartussanngorlugu aalajangerpaa.
juunip 25-at 2009 14:05

Anna Politovskaja angelarsimaffimmi isaariaata saavani 2007-mi aallaaneqarpoq, inuartarinninnerlu nunarsuarmi tamani annilaarutigineqarpoq Ruslandimilu oqartussat akilersillutik sulisarnerannut assersuutinngortinneqarluni.

Suliareqqinneqartussanngorlugu aalajangerneq tupaallannartortaqanngilaq, suliareqqinneqarneranili inuartutut pasineqartoq inuartarineqarnissaanillu aalajangertuusimasut nassaarineqarlutik pisuutinneqaraluarpata suliaq tupaallannartoqalissaaq.

Maannamut suliarineqarnerani unnerluunneqartoq pinngitsuutinneqarpoq taamaammat maannamut suliarineqarnera tamakkiisumik paasisaqarfiulluni inernilerneqanngilaq.

Nunat arlallit aamma Tuluit Nuinaat suliamut qanimut malinnaasimapput Ruslandimilu akilersittoqarnera ajornartorsiutaasoq eqqartuussiveqarnerlu sukumiisumik misissorneqartariaqartoq præsidentiusimasoq Putin oqarsimavoq. Taamaammat suliareqqinneqalernera sumilluunniit allanngortitsisussaanngilaq.

Suliassarpassuaqarpoq, Putinnimmi præsidentiunerata nalaani tusagassiortut 13-it inuartarineqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq