Tusagassiortorpassuit atornerlugaasunik akornusersuisut

Østrige-mi ataatap panimminik ukiorpassuarni kiilerimi mattussilluni kinguaassititigut atornerluisimasoq taamalu panimminik qitorniorsimasoq pillugu oqaluttuaq nunarsuarmi tusagassiorfinni soqutigineqaqaaq, maannalu ilaqutariit pineqartut taakkulu nakkutiginnittui tusagassiortorpassuarnit soqutiginnittunit annikilliortinneqartorujussuanngorsimasut aviisip politikenip allaaseraa.
maajip 04-at 2008 17:07

Nunarsuaq tamakkerlugu aggersunit tusagassiortorpassuarnit illoqarfeerannguaq ilaqutariit najugaat Amstetten ornigarneqarsimavoq.

Ilaatigut oqaluttuarineqarpoq belgiamiut TV-ikkut nutaarsiassalerisut napparsimavimmut ilaqutariit paaqqutarineqarfiannut iseriaraluartarsimasut, aammalu assiliisut orpimmut napparsimaviup silataaniittumut qallorlutik pisarsimasut, napparsimaviullu tunuatigut isertorlutik iseriaraluartarsimasut.

Tusagassiortorpassuilli iseqqusaanngilluinnarnissaat paaqqutarineqaqqissaartoq erseqqissaatigineqarpoq.

- Ilaqutariit illersornissaat pingaarnerpaajutipparput, ilaqutariit taamak sakkortutigisumik misigisaqareersut qalleqqillugu tusagassiutitigut malersorneqarnissaat sakkortunerpaamik pinaveersimatissavarput, taama ilaqutariit najugaata napparsimaviup pisortaa Klaus Schwertner taama issuarneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq