Elna Egede-p nersornaatisinera Dansk Journalistforbundip siulittaasuata, Mogens Blicher Bjerregårdip, ima tunngavilersorpaa:
-Kammalaatersornerujussuaq aviisimi ukiuni kingullerni uteqattaarlugu ima allaaserisaqattaartigaa akisuatilerlugulusooq, kamallunilu oqallinnerujussuarmik tamanna pilersitsivoq.
Mogens Blicher Bjerregårdip assersuutigisaanut aamma ilaavoq attartortuunermiit piginnittuulernermut tunngasut, namminerlu inatsisilerinermut tunngatillugu kusanaatsuliornertut taarusutamini, Elna Egede-p sulilluarsimanera.
Qallunaap qiperuisartup Jørgen Haugen Sørensenip kanngussaasamik qiperugaanik Elna Egede nersornaaserneqarpoq, saniatigullu 20.000 koruuninik tunineqarluni.
Tusagassiortut Kattuffiata Kalaallit Nunaanni immikkoortortaaniit Elna Egede ukioq manna siusinnerusukkut aamma akissarsisinneqarpoq.