Tusagassiorfik 2018-imi 4,7 millioninik sinneqartooruteqartoq

Tusagassiorfik Sermitsiaq.AG 2018-imi akileraarutit ilanngaatigereerlugit 4.7 milliuunit koruuninik sinneqartoorpoq, ukiulli siulianut sanilliullugu 800.000 koruuninik sinneqartoorutit ikinnerupput.

2017-imimi 5.5 milliuiunit koruuninik sinneqartoorpoq.

Sermitsiaq.AG tusagassiutinut taama nalunaaruteqarpoq.

Tusagassiorfik ukiup ingerlanerani aaqqissuisoqarfeqarnikkut ineriartornermut aningaasaliissuteqartarnerminik ingerlatitseqqippoq, soorluttaaq nittartakkap www.sermitsiaq.AG-p ingerlanneqarnera digitalikkullu nutaamut nuunneqartoq, taamaaliornikkullu nittartakkap pissarsiassaajuarnissaa qulakkeerneqarluni.
Sermitsiaq.AG-p pisortaa Christian Schultz-Lorentzen oqarpoq nangillunilu:
Tusagassiorfik nittartakkap ineriartortinneqarneranut immikkut aningaasaliissuteqarniarluni ukiup naajartulernerani aalajangerpoq.