Tusagassiorfiit marluk ataatsimut aningaasaqarnermut pisortaqalissapput

Nunatsinni tusagassiorfiit annerit marluk suleqatigiinnissaminnik isumaqatigiipput allanut assigunngitsumik, tassalu Sermitsiaq.AG aamma KNR aningaasaqarnermut immikkoortortatik katillugit pisortaqalernissartik aalajangiukkamikku.
Allattoq Apollo Jeremiassen
juulip 29-at 2011 08:55

Pilersaarutip taassuma piviusunngornissaanut, Sermitsiami ullumi saqqummersumi inuttassarsiuussinermi aningaasaqarnermut immikkoortortaqarfiit katinneqarnissaat erserpoq. Immikkoortortaqarfiillu taakku ataatsimik ittoqalissapput.

Tusagassiorfissuilli taakku immikkoorlutik ingerlaannassasut inuttassarsiuinermi naqissuserneqarpoq. Aammattaaq erserpoq aningaasaqarnermut pisortassaq Sermitsiaq.AG-mit atorfinitsinneqassasoq KNR-ilu Sermitsiaq.AG-mut akiliilluni aningaasaqarnermut pisortassaq attartortarsinnaagaa.

- Taamatut aaqqiinermi tusagassiorfissuit aningaasanik sipaassapput, aningaasallu sipaarutaasut tusagassiinerup annertusineranut atorneqarsinnaallutik, KNR-ip pisortaa Ivalo Egede oqarpoq.

Aningaasaqarnermut aqutsinermut pisortassamut qinnuteqaat aggustip 31-anut killeqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq