TUSAGASSIORFIIT: Birna pillugu suliami angut ataaseq iperagaassaaq

Islandimi arnap 20-nik ukiullip Birna Brjánsdótturip toqutaaneranut atatillugu kalaallit angutit tigusaaqqasut marluusut aappaa iperagaassaaq.
Allattoq Helle Nørrelund Sørensen
februaarip 02-at 2017 09:39
Nutserisoq Simon Uldum -

Islandimi tusagassiorfiit Visir, Morgunbladid aamma RÚV taama allaaserisaqarput.

Tusagassiorfiit naapertorlugit Reykjavikkimi politiit tigusaaqqasup aappaata tigummigallagassanngortinnera sivitsorneqassanngitsoq aalajangersimapput.

Suliamili suli pasisaasoq, Reykjavikkip politiivini paasiniaasartut pisortaat Grímur Grímsson Visir.is-imut oqarpoq.

Islandimi tusagassiorfiit naapertorlugit angutip aappaa suli tigummigallarneqarpoq.

Iperagaasoqarsimanersoq iperagaasoqarsimannginnersorluunniit Reykjavikkimi politiit KNR-imut uppernarsarusunngilaat. Politiit tusagassiisartuata Islandimi nalunaaqutaq malillugu ualimut sisamanut eqqartuussisoqarnissaa innersuussutigaa.

Tamanna pereerpat politiit tusagassiorfinnut nalunaaruteqassasut, Reykjavikkimi politiit ilisimatitsipput.

Tigusaaqqasut ulluni 14-imi maannamut tigummigallarneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq