Tunup imartaata uuliaqarfissuusinnaanera sammineqaqaaq
Nunatta imartaata uuliaqarfissuusinnaanera nunani allani tusagassiuutini sammineqartorujussuuvoq.
USA-mi aviisip ullormut saqqummersartup Wall Street Journalip allaaseraa, Tunup imartaa suli nassaarineqanngitsunik nappartat 100 milliardit sinnerlugit uuliaqarsinnaasoq.
USA-mi ujarassiuut US Geological Survey sapaatip-akunnerata massumap aallartinnerani Wall Street Journalimut taama oqarput.
Aatsitassanut ikummatissanullu naalakkersuisup Jørgen Wæver Johansenip uuliasiorfiusinnaasussamik juulip 18-ianni ammaassiniarpoq.
Tamatumuuna Qeqertarsuup imartaata Nuussuullu imartaata uuliasiorfiusinnaanissaannik ammaassisoqarniarpoq.
Ilulissani Hotel Arcticimi ammaassineq pissaaq.