Tunup avannaata sioraani uuliaqarnissaa ilimagineqarnerpaavoq.
Uuliasiorsinnaanissamullu akuersissutit ukiuni qaninnerpaani piviusunngorsinnaassasut, Nunaoilimi pisortaq Hans Kristian Olsen oqarpoq.
Allattoq Elisa Isaksen
- Tassa Qimusseriarsuaq uuliasiorfissatut ukiuni tulliuttuni ammaanneqartussaavoq. Kisianni piffissaq ungasinnerusoq eqqarsaatigalugu Tunup Avannaarsuata imartaani, tassa Illoqqortoormiut Avannaaninngaanniit Danmarkshavni tikillugu uuliasiornermut ammaanneqarnissaa eqqarsaatigineqarpoq. Taamaalilluni Tunup Avannaata uuliamik ujaasiffissatut 2013-imi neqeroorutigineqarsinnaassaaq.
- Nunatsinni imartani assigiinngitsuni Tunup Avannaata imartaa, uuliaqarnissaanik ilimagineqarnerpaanut ilaavoq, Nunaoilip pisortaa Hans Kristian Olsen oqarpoq.