Tunumi uuliaqarsinnaanera pasitsaappaat
Kalaallit Nunaata avataani uuliaqarsinnaanera Norgemiunit maanna aamma isumalluarfigineqalerpoq.
Allattoq Martine Lind Krebs
novembarip 23-at 2011 07:16
Qeqertap Norgemut atasup Jan Mayenip eqqaani immap naqqanik misissuinerit takutippaat, tamaani uuliaqarsinnaasoq. Uuliasiornermut Norgemi Pisortaqarfik taama ilisimatitsivoq. Aviisimi Politikenimi tamanna allaaserineqarpoq.
Tamaani uuliaqarsinnaaneranut gasseqarsinnaaneranullu takussutissat 260 miilionit missaanni pisoqaassusillit nassaarineqarput.
- Qanoq annertutigisumik uuliaqarnersoq oqaatigissallugu uuliasiornermut Pisortaqarfik suli amigaateqalaarpoq, paasisavulli nutaat pissutigalugit isumalluarpugut, uuliasiorneq pillugu oqartussat allapput.
Qeqertap Jan Mayenip avataani misiliutit aqqartartumit ungasianiit aqunneqarsinnaasumit katersorneqarput.
Qeqertaq eqqissisitaavoq, tamannali immanut eqqaaniittunut atuutinngilaq.
