Tunumi skakkertitsisoqarpoq
Allattoq Mads Lynge
Islandimi skakkertartut klubbianni ilaasortat Tunumut arfininngormat tikeraarput. Taamatut pingajussaa Islandimiit tunumiut meerartaanik ilinniartitsiartorluni tikeraartoqarpoq. Tikeraat najugaqarfiit pingasuusut atuarfiinut alakkaassapput.
Tikeraarneq sapaatip-akunneri skakkerfiusunik taaguuteqartinneqartoq, aviisi Iceland Review allaaserinnippoq.
- Kalaallit skakkernissartik soqutigisorujussuuvaat, islandimiu skakkertartoq oqarpoq.
Klubbimi ilaasortat Tunumut tikeraaraagamik tamatigut meeqqat puiagassaanik nassartarput. Meeqqat 70-t ukioq manna skakkerfinnassapput.