Tunumi nannuttassat amerlineqarput
Tunumi nannunik pisassiissutissat 2011-mi qulinik amerlineqarput.
Allattoq Louise M. Kleemann
Inatsisartunut ilaasortap Harald Biancop paragraf 36 naapertorlugu apeqquteqaataanut naalakkersuisut akissutaanni tamanna erserpoq.
Tasiilap eqqaani nannunik pisassiissutit 2011-mi amerlineqarsinnaanissaannik naalakkersuisut aqqutissiuussisinnaanersut Harald Biancop apeqquteqaammini paasiniarpaa.
Nannunik pisassiissutinut ilassutit qulit Illoqqortoormiunit Tasiilamillu avinneqartussanngorput, taamaasillutik pisassiissutit 20-t qaavisigut tamarmik immikkut tallimanik amerlanerusunik pisassaqalissallutik.