Tunumi malmisiorfik ammaqqilerunarpoq

Tunumi, Mestersvigip qinnguatungaani molybdænimik piiaanissamik qinnuteqaatip ippassaq isummerfigineqarnissaralua kinguartinneqarpoq.
Allattoq Louise M. Kleemann
maajip 29-at 2008 09:09

International Molybden plc. Molydænimik piiaanissartik pillugu ullumi danskit kalaallillu Kalaallit Nunaanni Aatsitassat Ikummatissallu pillugit Siunnersuisoqatigiinni ilaasortanut saqqummiuttussaagaluarpaat.

Aatsitassat pillugit naalakkersuisoqarfimmi pisortaq, Jørn Skov Nielsen oqarpoq misissuinerit nalilersuinerillu suli naammassineqanngimmata piiaanissamik qinnuteqaat aatsaat septembarip qaamataani isummerfigineqassasoq.

International Molybden 2004-mili Tunumi Mestersvigip eqqaani, Malmbjergimi misissuilluaqqissaarnikuupput. Molybdæni saviminilerinermi pujassaatitut saviminermullu manngertusaanermi atorneqartarpoq.

Piiaanissamik qinnuteqaat Aatsitassat pillugit siunnersuisoqatigiinniit, Kalaallit Nunaanni Danmarkimilu naalakkersuisunillu akuerineqassappat, ukiut pingasut sisamalluunniit ingerlaneranni qaarusuliorsinnaaneq naatsorsuutigineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq