Tunumi ilinniagaqassuseq amigaatigineqarpoq
- KNI Pilersuisoqarpoq, entreprenørit namminersortut, sanasut, ruujorilerisut, Nukissiorfik allallu. Pisiniarfik namminersortoq, Royal Arctic Line, tassalu oqaatigisinnaavara amerlanerit kiffartuussinermik suliaqartuusut.
Aalisarnikkulli isertitaqarsinnaanermut periarfissaqalissasoq oqaatigaa.
- Tunitsiviliorniartut aallartipput, kommunimut akileraartarnikkut iluaqutaasinnaasut, Thomas Kristensen isumalluarpalulluni oqarpoq.
Suliffiusinnaasut amerlanngimmata, inuusuttut amerlasuut sungiusaatigalugu suliffissaminnik nassaarneq ajorput suut tamarmik ulikkaarsimammata.
-Taamaattumik malugisinnaavara inuusuttut amerlasuut unittooqasut. Aammali periarfissaqarput kitaanut qinnuteqarnissaminnut.
Thomas Kristensenip neriuutigaa inuusuttut kitaani ilinniareernermi kingorna Tasiilamut uterumaartut, ilinniarsimasunik amigaateqartoqarmat.