Tunuarsimaarfigisanik taasisitsinissaq eqqartulerpaat
Qinikkalli arlallit maanna eqqumiigilerpaat Anders Fogh Rasmussen tyskit aviisiitigut tunuarsimaarfigisanik taasisitsinissamik eqqartuilernera.
Socialdemokratit EU pillugu oqaaseqartartuata Kim Mortensenip eqqumiigaa statsministerip tyskit aviisii aqqutigalugit EURO pillugu taasisitsinissaq eqqartormagu, tullersortaatali aningaasaqarnermut ministerip Bendt Bendtsenip taasisoqassannginneraraa.
Pingaaruteqarpoq partiit EUmut akuersaartut isumaqatigeqqissaarlugit tunuarsimaarfigisat peqqissaartumik oqaloqatigiissutigeqqaarlugit aalajangertoqartarnissaa. Illuatungiliuttut ilaata SFimeersup Ole Sohnittaaq statsministerip tyskit aviisi aqqutigalugit taama nalunaarnera eqqumiiginngitsuunngilaa, statsministerilu isumaqartillugu nunat allat aviisiitigut saqqummiunneqarpat DKmi malugineqarnavianngitsoq. DKmi naalakkersuisut ikorfartortaasattaaq Dansk Folkepartiit statsministerip tyskit aviisini issuarneqarnera eqqumiigaat; DKmimi suliffissaaleqisut aatsaat taama ikitsigilermata; tamannarpiarlu pissutigalugu danskit koruuniat EUROmut sanilliullugu pigiinnaraanni imminut akilersinnaanerunerarlugu.
