Tunngaviusumik inatsisissaq nutaaq akuerineqartoq
Naalakkersuinikkut aaqqissuussinissamik inatsisissaq nutaaq inuit qinersisinneqarnerisigut Thailandimi akuerineqaqqammerpoq. Sakkutuut pissaanermik tigusisimasut oqartussaatitaannit ministeriuningortinneqarluni toqqarneqarsimasoq; Surayud Chulanont, taama oqarpoq. Siorna Sakkutuut pissaanermik tigusisut, pisoorsuaq atorfimminilu aningaasanik akilerneqarluni ileqqorluttuliortarsimasutut unnerluutigineqartoq, Thaksin Shinawatra, qinigaaffianit tunuarsisimavaat.
Maannakkuugallartoq qinesinermi inernerit takutippaat thailandimiut 58 procentiisa missingiut akuerisimagaat. Qinersiartorsimasut 55 procentiusimapput. Qinersinermi inerniviit akuerineqassappata, siunnersuut angustip naalernerani kunngimit akuerineqartussanngortillugu nassiunneqassaaq.
Ukioq ataaseq qaangiuppoq, Thaksin Shinawatra ministeriuneranit sakkutuunit kisermaasiniartunit peersitaammat, maannakkullu ukioq ataaseq qaangiutiinnartoq tassa qinersisitsisoqarpoq.
Naalakkersuinikkut aaqqissuusseqqinnissamik inatsisissap nutaap politikerit pissaaneqarnerat killiliivigisussaavaa, parlamentissanillu qinersisoqarnissaanut ukioq ataaseq qaangiuppat aamma Naalakkersuinikku aaqqissuussinissamik inatsisissaq nutaaq killiliisussaavoq.
