Tunissutisiatsialak
Amerlanerit meeqqatik, aappatik ilaquttatillu nuannarisaannik ippassaq orpiliareernerup kingorna tunisimassavaat, qularnarporli Norgemi uiusup nuliaminut tunniussaanut assersuussinnaasumik tunisisimassappata.
Nuliaq asanaffaarissimagunaqisoq uiminit Ferrari F430-mik millioninik pingasunik akilimmik tunisissimavoq, taannalu biilitsiarsuaq motoorigeqaaq, motoriami 4,2 litereq 490 hesteqarpoq 0-imiillu 100-mut issarnerit sisamaannaat ingerlanneranni ingerlallualaalersinnaalluni.
Pilissuup nuliaminik biiligitsitsiniaqisup Bergen-imi biileerniaq sapaatip akunnera siuliani sianerfigisimava oqarfigalugulu Ferrari F430-mik aappalaartumik pissarsisinnaappat pisriumallugu, qanorluunniit akeqassagaluarpat.
Biilit poortorneqarsimanngikkaluartut aappalaartunnguamik orsilerlugu qilerneqarsimavoq.