Tunissutip nakorsiat iluaqusissavai
Misissuut taanna Nuummi napparsinmavissuarmi Dronning Ingridip napparsimavissuani inissisimassaaq.
Napparsimavissuarmi MR Scannerimik tassalu assiliilluni nappaatinik suussusersisinnaaneq pisariaqartinneqarluni pingaartinneqarpoq, missuissummik CT-scannerimik peqareermat, Peqqissutsimut Naalakkersuisoqarfik tusagassiuutinut nalunaaruteqarluni taama allappoq.
Misissuutip MR-scannerip nappaatit eqqoqqissaartumik sukkarnerusumillu paasisinnaavai aamma nakorsartinnissamut suut pisariaqartinneqarnersut paasisinnaallugit.
Misissuutip MR-scannerip pigilerneratigut napparsimasut ilaat Danmarkimi mississortikkiartornissaat pisariaarutissaaq. Peqqissutsimut Naalakkersuisoqarfiup tusagassiuutinut nalunarutaa malillugu, napparsimasut amerlanerusut Kalaallit Nunaanni misissortinnissaannut periarfissaat annertusissammat.
Peqqissutsimut naalakkersuisup Agathe Fontainip nunatsinni misissuummut MR scannerimut aningaasaliisoqarnera nuannaarutigisorujussuuaa, ilungersunartorsiornermi qanigisat najornissaat pingaaruteqarmat.
Misissuutip MR scannerip atortuisa ikkussorneqarnissaannut, misissuummik sullissisussat ilinniartinneqarnissaannut atortullu pisariaqartinneqartut pisiarineqarnissaannut aningaasaliinermi ilanngunneqarput.
Misissuutip MR scannerip ukiamut atulerneqarnissaa naatsorsuutigineqarpoq.