Tunisassiorfiit assigiimmik akikilliliiffigineqarlik
Attaveqarnermut Avatangiisinullu Naalakkersuisoqarfimmi akinik nalimmassaaneq sukumiisumik misissuiffigereerlugu, akit piviusut naapertorlugit akeqartitsisarnissaq siunertaagaluartoq, atuisartunut assigiinngitsunik tuttartoq paasineqarpoq. Maannakkummi pissutsit naapertorlugit nunaqarfiit aalisakkeriviillu innaallagissamik atuinerminnut akiliutissaat, Landskarsimiit Nuummilu innaallagissamut kiassarnermullu akiliutikkut toqqaannanngikkaluamik tapertarpaat. Misissuinermi nalileereernikkut Naalakkersuisoqarfimmiit aalisakkeriviit akikillisaaffigineqartarnerat qimanniarneqarpoq, tunisassiorfiillu tamarmik qanoq annertutigisumik atuinertik naapertorlugu akikilliliiffigineqartalissasut siunnersuutigaat.
Royal Greenlandimili pisortap, Flemming Knudsenip tamatuma annertuumik kinguneqapilunnissaa aarleqqutigaa.
Flemming Knudsen oqarpoq, ullumikkut akikillisaaffigineqartarnertik annikillineqarpat, 60 miliuunit koruunit suliffeqarfiup iluani nassaariniartariaqalissagamikkit, suliffinnik ikilisaanermik, aalisartunullu akigitittakkamik apparneqarnissaannik tamatuma kinguneqarnissaa pingitsoorneqarsinnaassanngitsoq. Taamaaliornikkut nunarsuatsinni tunisassiorfiit, akikinnerusumik tunisassiornermikkut akigititaat aatsaat unammillersinnaassagamikkit.
Flemming Knudsenilli aarleqqutini tunisassiorfiit tamarmik akikilliliifigineqartalerpata, tamatuma qanoq annertutigisumik imminnut sunniuteqartalersinnaanera naatsorsukannerlugu maanna naliliigallarsinnaalluni.
