Tunillatsittoqarsimaneranik nalunaaruteqartoqanngilaq
Taamaattorli nakorsiat timminnermik nappaatillit amerlasuut misissorneqartut Statens Serum Institutimit oqaatigineqarpoq.
Nappaatip atugaajunnaariartornera pillugu maanna oqarsinnaanngikkallarlutik nakorsaanerup Kåre Mølbak oqaatigaa.
Tysklandimi inuit 14-init bakteerissamik taassuminnga toqquteqarput, inuilli 1200-init amerlanerit tunillatsissimassasut oqartussat ilimagaat.
Qallunaat E.coli-bakteeriamik tunillatsissimasut 14-init suli napparsimmavimmiitinneqarput, taakkunanilu inuit arfineq-marluk tartui suliunnaarsimallutik.
Danmarkimi tunillatsissimasunit inuit 13-init Tysklandimi tunillatsissimapput, ataaserlu Danmarkimi tunillatsissimalluni. Danmarkimi suminngaanniit tunillatsissimanersoq ilisimaneqanngilaq.
Sverigemi inuit 36-it tunillatsissimapput Tysklandillu avataani tunillatsissimasut toqusut siullersaat arnaq Sverigemeersoq ullumi toquvoq.
Qallunaat suliffeqarfiat Mango Odensimiittoq agurkinit tunillaassuineq Tysklandimi oqartussat ullorpaalunni pasigaluarpaat.
Qallunaat naatitaataat tunillaassuinngitsut Serum Instituttimit maanna paasineqarpoq.
Agurkit, tomatit salaatillu Tysklandimeersut agurkillu Spaniameersut nerineqarnissaat qallunaat oqartussaasuisa kaammattuutiginngilaat, taakku bakteerissamik tunillaassuisuusinnaammata.
