Tunillatsissimasut nutaat sisamat taakkunannga ataaseq Tasiilamiittoq
Nunatsinni tunillatsissimasut nutaat sisamat ullup ataatsip kingulliup ingerlanerani paasineqarput.
Nutaanik pingasut Nuummiittut tunillaassuuffiusunut ilisimaneqareersunut ilaapput.
Tunillatsissimasumik nutaamik Tasiilami aamma paasisaqartoqarpoq. Pineqartoq tunillatsissimasumut ilisimaneqareersumut qanillisimasuuvoq.
Nakorsaaneqarfik nittartakkamini taama allappoq.
Nakorsaaneqarfiup Tasiilami meeqqerivimmi Mikisumi tuniluuttooqanngitsoq aamma nalilerpaa.
AAMMA ATUARUK Corona pillugu ullumikkut kisitsisit: Tunillatsittoqanngilaq, taamaattorli unittoqarsimalluni
Tunillatsissimasut Nuummi sapaatini akunnerni kingullerni amerliartorsimagaluartut maanna ikiliartorput.
Nuummi inuit marluk napparsimmavimmi suli uninngapput.
Tunillatsissimasut marlunngornermi amerlassusaat kommunikkaarlugit agguataarneri:
- Avannaata Kommunia: Tunillatsissimasoqanngilaq
- Kommune Qeqertalik: Tunillatsissimasoqanngilaq
- Qeqqata Kommunia: Tunillatsissimasoqanngilaq
- Kommuneqarfik Sermersooq: 57-it
- Kommune Kujalleq: Ataaseq
