Tunesiamiut kalaallinut ajugaapput 20-36-imik
Kalaallit angutit assammik arsartartut VM-ernermi Tunesiamut unamminerat TV-kkut radiukkullu toqqaannartumik aallakaatinneqaqqammersoq kalaallit ajorsarnerannik inerneqarpoq.
Tunesiamiut kalaallit arsarluaraluaqisunut 36–20-mik ajugaapput. Tunesiamiut nunarsuarmi assammik arsallammattut toqqakkamik ilallit assorujussuaq sukalapput, pingaartumillu målmanderinnerat, kalaallit iserteriagaasa arlalissuit iluatsinnginnerannut, pissutaavoq. Kalaallit måleriaraluaraangata qangaammalli unamminermi arsallammattut toqqarneqartup annaatereeraraa.
Jakob Larsen kalaallini isertitsinersaalluni arfineq-pingasunik målerpoq.
Kalaallit Sloveniamiunut 21-35-imik ippassaq aamma ajorsarput. Unamminermilu Angutimmarik Kreutzmann qulinik isertitsinermigut arsallammattut toqqarneqarpoq.
Massakkorpiaq Danmark Angolamut unammivoq.