Tuluk politikeri savilersorfigineqarpoq
Sulisartut Partiianni Labourimi ilaasortaq ministeriusimasoq Londonip kangisissuaniittumi Newhamimi politikkimik oqallittoqarnerani nassamigut savimmik kapineqarsimasoq, nutaarsiassaqartitsivoq BBC nalunaarpoq, taama Ritzau allaaserinnippoq.
Politiit nalunaarutigaat Stephen Trimmsip savimmik kapinneqarnera inuuneranik navianartorsiortitsilinngitsoq.
Stephen Trimms 54-inik ukioqartoq, Tony Blairip Gordon Brownillu ministeriunerunerisa nalaani marloriarluni ministeriusimasoq. Qanittukkut qinersinermi East Hamimi parlamentimut qinigaaqqippoq.
Arnaq 21-inik ukiulik savilersorsimasutut tigusarineqarpoq, soorli ministeriusimasumik kapisisimanersoq suli nutaarsiassaqartitsiviit nalunaarutiginngilaat.