Tuluk niviarsiaraq pingasunik ukiulik suli nassaarineqanngilaq
Niviarsiaqqamut pingasunik ukiulimmut Tuluit Nunaanneersumut, sapaatip akunnerani kingullermi tammaaneqartumut, paasissutissiisinnaasumut tuluk niuertoq maanna 11 million koruuninik akiliiumalluni nalunaaruteqarpoq. Taama tv2.dk-mi allaaserinnittoqarpoq.
Pingasunik ukiulik Madeleine McCann sapaatip akunnerani kingullermi angajoqqaanilu Portugalimi Algarvep sineriaani feeriartillugit tammaaneqarpoq.
Feeriarfianni iniminniitillugu angajoqqaavi qanittumi neriniartarfimmi neritillugit tammaaneqarpoq aallarussaasimanissaalu ilimagineqarluni.
Niviarsiaqqap angajoqqaavisa annilaarsimaqisut assingi takoreerlugit tuluk niuertoq qisuariarpoq.
- Angajoqqaajusut kiinaat takoreerlugit pakatsissutigigakku paasissutissiisinnaasumut akiliiumasumik saqqummersoqannginnera. Taamaattumik pisussaasutut misigisimagama taamaaliorpunga, niuertoq 57-inik ukiulik Stephen Express oqarpoq.