Tuluit sakkutuui umiartortut 15-it, sapaatip akunnera sinnilaarlugu Iranimiunit tigummineqartut, maanna Tuluit Nunaannut angerlamut ingerlaaleruttorput. Iperagaanerat pivoq tupaallaatigineqartumik Iranip præsidentiata Mahmoud Ahmadinejad-ip iperagaanerat nalunaarutigereeraalu, tassagooq iperagaatinneqarput Iranimiut pitsaasaarniarlutik poorskimi tunissutaattut ilaatigullu pruffiitip Muuamaap qanittukkut inuuissiortussaanera patsisigalugu.
- Tigusat 15-usut isumakkeerfigaavut kiffaanngissusermillu tunillugit, præsidenti oqarpoq.
Kinguninngualu tv-kkut tusagassiortorpassuarnit malinnaaffigineqartumik iperagaasut 15-usut tamaasa ilasseqattaarpai siunissamilu ingerlalluarnissaannik kissaallugit.
- Præsidentiaa, isumakkeerfigigatsigut qujassutigeqaarput. Tuluit sakkutuut umiartortut tigusat iperagaagamik taama oqarput. Iperagaasut 15-usut aqagu Tuluit Nunaannut apuunnissaat naatsorsuutigineqarpoq.