- Pisoq ilungersunarpoq. Inatsisartunimi illuatungeriit tamarmik peqquserluuteqarsimanersut misissuiffigineqalermat.
Tuluit Nunaanni ingerlaatsip aqunneqarnera pissusissamisut ingerlanneqarsoq apeqquserneqarpoq. Politikerimmi taakkuupput qanoq iliortoqarnissaanik iliortoqannginnissaanilluunniit oqaaqqissaarisut.
Maannali paasinarsivoq malittarisassaliatik namminneq malittarsimanngikkaat, suliarlu ilungersunartutut isigineqalerpoq.
Paasisat ilagaat pisortat aningaasaataannik annikitsunnguanut ilaasortat atortarsimagaat, soorlu nalequttanik, qitsuit nerisassaannillu pisinernut. Inatsisartuni ilaasortat annertunerusunik atornerluisimasut tapiissutit tennisertarfiit, naatitsiviit, ilami ininik iluarsaanernut namminneq iluaqutissanngorlugit atortarsimavaat.
Malittarisassat tunngavigalugit paasineqartut tapiissutisiaminnik atornerluisimasut aningaasat atornerlutatik tamanut saqqummiullugit utertissavaat.
Kingunerisinnaavaa tamanut saqqummiussinermi tatigineerunneri, pingaartumik qinikkat qaffapallakkusuttut, ministerit, illuatungiliuttullu qinigaanerinik apeqqusiinernik malitseqanngitsoornavianngitsoq.