Tuluit politiivisa neriniartarfimmi Novichokimik nassaartoqannginneraraat
Neriniartarfik, neriniartarfiullu eqqaa politiinit kingorna assersorneqalerpoq.
Kilitsissiaasimasoq Sergej Skripal, panialu Julia, Ruslandimeersut, Salisburymi upernaaq manna toqoriaraluarneqarput, toqunartoq novichok atorlugu toqoriaraluarneqarlutik.
Inuillu marluk neriniartarfimmeereerlutik perululermata politiit neriniartarfiup misissuiffigineqarnissaa aalajangerpaat.
Aappariilli neriniartarfimmeereerlutik napparsimalersut novichokimit napparsimalersinneqarsimanerannut takussutissaqanngitsoq politiit ilisimatitsissutigaat.
AAMMA ATUARUK Novichok-gerningsmænd muligvis identificeret
Sergej Skripal panialu, novichok atorlugu saassunneqartut aniguipput, tuluilli aappariit novichok pissutigalugu Amesburymi, Salisburyp ungasinngisaaniittumi, aamma perululerput, arnap 44-nik ukiullip novichok tassani toqqutigaa.
Angutip nassuiaanera naapertorlugu tipigissaataanasorisani angerlaassimavaa, arnamullu tunniussimallugu. Misissuinerit tassani takutippaat tipigissaat novichokimik imaqartoq.
Angutit Ruslandimeresut marluk isertortumik paasiniaasartuneersut Sergej Skripalimik panianillu toqutseriarsimasutut, Tuluit naalakkersuisuinit pasineqarput, Russilli naalakkersuisuisa pasilliinerit ilumuunnginnerarpaat.