Schmeichel Manchester Unitedimi 1991-miit 1999-mut peruttulerami Tuluit Nunaanni pissartanngorniunnerni tallimariarluni mesterskabini ajugaaqataavoq.Assi: Action Images/Ritzau Scanpix

Tuluit Peter Schmeichel Premier Leaguep oqaluttuarisaanerani målmandiulluarnerpaatut toqqaraat

Peter Schmeichel Premier Leaguep oqaluttuarisaanerani målmandiulluarnerpaatut BBC-ip nittartagaatigut taasititsinikkut toqqagaavoq.

Peter Schmeichel Tuluit Nunaani målmanditut piginnaasai eqqaamaneqartuarallassapput.

Manchester Unitedimi tusaamasaq 56-inik ukiulik Tuluit Nunaani Premier Leaguep oqaluttuarisaanerani målmandiulluanerpaatut sapaatiummat toqqarneqarpoq.

Tuluit Nunaanni TV-qarfiup BBC-ip nittartagaani atuisartut 160.000-nit amerlanerusut taasineranni amerlanerussuteqartut Schmeichel taasimavaat.

BBC-imi immikkut ilisimasallit tassaallutik siornatigut arsaattartuusimasut Gary Lineker, Alan Shearer Ian Wrightilu taasinerit sioqqullugit Premier Leaguemi målmandiusarsimasut immikkoortippaat.

Taava BBC-ip nittartagaani atuisartut målmandit qulit pitsaanersiortussanngorlugit.

Schmeichel Manchester Unitedimi 1991-miit 1999-mut peruttulerami Tuluit Nunaanni pissartanngorniunnerni tallimariarluni mesterskabini ajugaaqataavoq.

Målmandiullaqqinnerpaat tulliatut taaneqarpoq, Petr Cech, taanna arsaattartoqatigiinni Chelseakkunni 2004-miit ukiut aqqanillit annertuumik sunniuteqarpoq, arsaattartoqatigiinnilu Arsenalikkut arsaattarnini naggaserlugu.

Hollandimiioq Edwin van der Sar, taanna Schmeichelitulli Manchester Unitedikkuni målmandiusarsimasoq, målmandiniullaqqinnerpaat pingajuattut taaneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat