Tuluit marluk nunatsinnit Skotlandimut qajartortut

Angalaneq inuup nammineq misigisassarsiorniarneraa, tupinnartorsiaasimasorli aamma misissuiffiginiarpaat. 1700-ukkunnimi inuit tupinnartut Skotlandip sineriaanut tikittut tusagassiuutigineqarsimapput. Kialuunniit qanoq oqaluttut paasisinnaasimanngilaat, eqqumiitsunillu mikisunik umiatsiaqarsimapput.

Uppernarsineqarnikuunngilaq, kisianni inuit taakku tassaassanngatinneqarput naggueqatigiit inunneeersut, Isittumiit qaannamik Skotlandimut pisimasut. Qaannamilli taama ungasitsigisumut angalasoqarsinnaava? Angutillu marluk namminneq qaannamik angallallutik tamanna maanna misissorpaat.

Ilisimasassarsiornerat pilersaarut malillugu ingerlavoq. Olly Hicksip nittartagaatigut qajartornerat malinnaaffigineqarsinnaavoq, tassanilu takuneqarsinnaavoq Savalimmiuniit Skotlandimut ingerlaarfissammi affaa tikereersimagaat. Ingerlaarfimminni pinngortitamit misigisat nuannersut tujorminartullu aqqusaarsimavaat.

- Qeqertaqarpoq, malissuaqarpoq. Anorersuartoq, anorsarissoq misigaagut. Nannut, aarrit, sikorsuillu aamma takuagut, Olly Hicks CNN-imut oqarpoq.

Ilanngutassiaq assip kingorna nangeqqissaaq

 

The tiny island of North Rona is one of the most remote in the British Isles. Olly and George have just paddled for 65 hours from the Faroes to get there. No support boat, no film crew. Just them, a kayak and a shed load of salt encrusted determination. The population of North Rona currently stands at two. Catch up with the expedition story here and wish them luck for the final push home. http://www.ollyhicks.com/new-blog/…/29/made-it-to-north-rona #bigadventure #explore #northrona #kayak #kayakingadventures

Et billede slået op af Olly Hicks (@ollyhicksadventures) den 29. Aug 2016 kl. 3:53 PDT

Olly Hicks 23-inik ukioqarluni kisimiilluni USA-mit Tuluit Nunaannut qajartoreerpoq. Taamaakkaluartorli imaani misigisassanik suli tupaallaatigisaqartarpoq.

- Isumaqarpunga paarnerup assigiiaaginnavissuunera eqqarsaatiginngitsoorsimagunaripput, qaannami immikkut sanaami 7 meterinik takissusilimmi ulluni sisamani inuunerisartik pillugu oqarpoq.

Ilanngutassiaq assip kingorna nangeqqissaaq

 

Have you been wondering how we actually spent four nights on the Devils Dancefloor, this is how. It was claustrophobic and not overly comfortable but it kept us warm and dry. #adventure #seakayak #travels #explorers #sleeping #kayak #wakeofthefinnmen

Et billede slået op af Olly Hicks (@ollyhicksadventures) den 25. Aug 2016 kl. 2:50 PDT

Hicks Bullardilu paarlutik ingerlalertorlutik Skotlandimut qanilliartorput. Anguniagartillu tikissagunikkut nutaaliamik ilisimasassarsiortunit ingerlavimmi siullersaallutik qajartornikuussapput.

Angutilli taakku marluk anguligaannit suli tupinnarnerusunik oqaluttuarisaanermi allanik peqarpoq. Oscar Speck Tysklandimiit  Australiamut 50.000 kilometerinik isorartussusilimmut 1930-ikkunni qajartorpoq, Hannes Lindemannilu Kanariskit Qeqertaannit Cariebiamut 5000 kilometerinik isorartussusilik 1950-ikkunni qajartorfigaa.