Tuluit Nunaata sakkutuuni Irakimiit angerlarartinniarpai
Tamanna upernaamut pissaaq, ministeriuneq Gordon Brown Inatsisartunut ullumi oqalugiarnermini taama oqarpoq.
Tuluit sakkutuui 5.000-it sinneqartut massakkut Irakimiipput. Taakku 2.500-unut ikilisinneqassapput aamma tuluit sakkutuui Irakip kujataani sorsoqataajunnaarlutik nakkutilliilissapput, Gordon Brown oqarpoq.
Tuluit ministeriunerata danskit aaqqissuussinerata assinganik, Irakimiut ukioq ataaseq sinnerlugu tuluit sakkutuuinut ikiuussimasut allamut nuutsinneqarnissaat neriorsuutigaa. Irakimi sumiiffimmut allamut nuutsinneqanngikkunik Tuluit Nunaannut nuutsinneqarnissaminnik qinnuteqarsinnaassapput, Gordon Brown oqarpoq.