Tuluit Nunaat sakkortusaaqqippoq
aggustip 14-at 2006 05:28
Tuluit Nunaata upalungaarsimanissaq sakkortuseqqikkaa tuluit isertortumik paasiniaasartui nalunaarput.
Timmisartut ilaasartaatit arlallit qaartinnissaannik pilersaarusiortut 24-t sisamanngormat tigusarineqanngitsiartut tuluit naalakkersuisui sakkortusaapput.
Tuluit Nunaanni timmisartuutileqatigiiffiup, British Airwaysip, timmisartorsua, New Yorkiliaraluartoq, Londonimut ippassaq utertariaqarsimavoq, issimasut ilaata oqarasuaataa angallattagaq sianilermat ajortoqarnissaa pinngitsoorniarlugut, British Airways ilisimatitsivoq.
Timmisartorsuarmi issimasut arlaannaataluunniit oqarasuaat angallattagaq akisussaafigerusussimanngilaa. Taamaammat timmisartup naalagaata Londonimi timmisartoqarfissuarmut Heathrowimut uternissaq aalajangiuppaa.
