Tuluit Nunaat ajorsarnerarpaat
Killilersugaanngitsumik naligiinnerusumillu EU-p iluani niueqateqarsinnaanissaq pillugu siunnersuut Tuluit Nunaanneersoq ministeriunermit Tony Blair-imit saqqummiunneqarmat, Tuluit ajorsartutut nalilerneqarput, tassa EU-mi inatsisissamik tunngaviusumik isumaqatigiissummi nunat allat tamanna pillugu piumasaqaateqarsinnaassapput, Tuluillu taamaaliorsinnaatitaanaviaratik.
Tamanna pillugu EU-p aamma Tuluit Nunaat naapeqatigiittariaqarnissaat Tuluit Nunaanni tusagassiuutinit ilimagineqarpoq.
Tyskit EU-mi siulittaasuutitaqartut, Angela Merkel siuttuliullugu, Bruxelles-imi EU-mi qullersat ataatsimiinneranni Poleni pillugu ajornartorsiutit unnuap ingerlanerani ullaap tungaanilu iliuuseqarfiginiarsaraat, isumaqatigiissutaagallartussamillu maanna angusaqartoqarsimasoq oqaatigineqaraluartoq, paasissutissat assortuussutaapput, inernerillumi paatsuunganartoqartinneqarlutik.
Isumaqatigiinniarnissaminnulli piareeqqanerarlutik Polenip isumaqatigiinniartartuisa oqaatigaat.