Tuluit Nunaata ministeriunera Boris Johnson oqaluffimmi Tuluit Nunaata inatsisartuinut ilaasortap ippassaq tallimanngornermi toqutaaffiani naasunik ullumi arfininngornermi ilisivoq.Assi: Peter Nicholls/Reuters/Scanpix

Tuluit Nunaanni sillimaniarneq politikerip toqutaanerata kingorna annertusarneqartoq

David Amess Leigh-om-Seami savimmik arlaleriarluni kapineqarpoq. Politikeri kingorna toquvoq.

Tuluit Nunaata ministeriunera Boris Johnson oqaluffimmi Tuluit Nunaata inatsisartuinut ilaasortap ippassaq tallimanngornermi toqutaaffiani naasunik ullumi arfininngornermi ilisivoq.

Politiit qanganisalerisumik David Amessimik toqutsineq ingasaassiniarlutik islamisiortunut immaqa atassuteqartumik peqqarniisaarinertut taavaat.

Ippassaq tallimanngormat toqutaavoq. Aamma sulisartut partiiannut Labourimut ilaasortaq Jo Cox ukiut tallimat matuma siorna toqutaavoq. Politikerinillu toqutsinerit qinikkat sillimaniarnerat pillugu Tuluit Nunaanni maanna oqallittoqartoqartorujussuuvoq.

69-inik ukiulit Amess Leigh-om-Seami Londonimit kangimut 60 kilometeringajannik ungasissuseqartumiittumi saassunneqarami savimmik arlaleriarluni kapineqarpoq. Qinersisartunik oqaluffimmi Belfairs Methodist Churchimi ataatsimiititsinermi saassunneqarpoq.

Politiit angut pinerlussimasorineqartoq 25-nik ukiulik saassusseqqammernermi tigusaraat.

Inatsisartunut ilaasotat sulinertik isumagisarsinnaaniassammassuk isumannaallisaanermut tunngasut nutaat atuutilersinneqalissasut Tuluit Nunaata nunamut namminermut ministeria oqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat